"Yontii" Gelongal Fuuta lollirɗo : Njaay Saydu Aamadu(Ngaari Jiinga)

Ɓiɓɓe Muritani, darnde yontii Tiiɗen, tiiɗnen, ngootaagu men yontii
Petten tonngi, ɓamtaare men soñtii

Yiɗde hoyre mum, tabita ko timmal,
Fasnaade ngenndi mum haa sella ko neɗɗaagal,
Reende ganni, hisna ko cagataagal

Gañondiral, kalfaandi e majjere,
Yo ndebbu nder, keɓoya ɓakkere.
So doole ndonkii, yo doole keɓɓo
So mawɗo ɗaccii, yo suka teɓɓo.

Ndimaagu leydi, ko ɓiɓɓe leydi .
Mahdi leydi ko maa ɓiɓɓe leydi.
Ndenten, njanngen, ngollen goonga, poolen,
Poolen, feccooru e yahdiiɓe, njoolen.

Aaraabe, Pullo, Sooninke e Wolof
Pinen, paamen, ngannditen fotde men.
Yo Ngenndi men ɓuran en ngoowaandi
Ndemaandi fooltanoo en njiggaandi.
Ngenndi men ko leydi nduwanaandi
Ndimri, keewndi limmbam, njuuroyteendi,
Njuuroyteendi so tiiɗnaare tabitii
Ndi laatoo aljanna, so en ngonirii.

Ɓiɓɓe Muritani, darnde yontii
Tiiɗen, tiiɗnen, ngootaagu men yontii
Petten tonngi, ɓamtaare men soñtii

Gelongal Fuuta lollirɗoNjaay Saydu Aamadu