Yimre "NEENE AM"Teddungal kala debbo:"8Mars"(A ma mère:"Femme")

Neene am!
Mi wiyataa ko aan ɓuri kala yumma.
Nde tawno yumma kala ko yumma
Sibu maa,mboɗo hormii kala yumma
Kono aade ɓurataa kam yumma

Hurum,korsa am e maa wonaa sibu enɗam
Ko e kaawisaaji jom tagoore iwdi mum ko ƴiiƴam
MAYRAM PENNDA Ummu Mayram
Duwaniimi muyninimi mbelɗam

Ɗimmo e saabiiɓe e oo aduna goodal am
Tammbiimi ina ƴeewtoo peerndamam
Ɗowimi ina wallita jaɓɓal am
Jaŋnginimi haa laɓɓini ɗemngal am
Tawii fof,nguura am ko e hettere ɓanndumaa
Neene,mi yiyaani e oo aduna mone mboɗo waddumaa
Mi wiyataa ko aan faɗɗi kala yumma
Kono mi yeeɓanaani hay gooto yumma

Aduna e neemaaji mum araani heen ko ina timma njobdimaa
Soko mami yah mi faggoyoo ko ina ɓuuɓna ɓerndemaa
Mariyam Pennda Ummu Mayram

Sarr Abdallah
Dit
Demba Sarr