Banndiraaɓe tedduɓe, mino yaafnoo on no feewi, gila batu TPW, gasi mi heɓaani yaajeende no mbinndirmi ciimtol batu nguu, waɗi ɗuum ko ɓiyam woni mbo sellani, ko ɗuum jookimmi tawo, kono he ndaɓɓa, batu nguu waɗii ɓesnoore mawnde, ngam doosɗe laamu Mali ngarii he keewal, yanti heen hooreejo ngenndi Mali jaɓɓiima min to galle laamorde Mali, o anndinii min ko enen he makko ndenndi Tabital Pulaaku, kala ko woni heen sokla men ko sokla makko, caggal ɗuum kadi neene TPW woni Aadama Bah Konaatee e joom galle makko Umar Konaatee, ɓe njaɓɓiima min to galle maɓɓe, ɓe kollii min teddungal e enɗam Pulaagu, ɓe nganndinii min kala ko njiɗɗen he dow kaɗtanɗe maɓɓe maa ɓe mballu en. Jooni ngarten he batu nguu, ko adii fof, nde jonnde ndee jooɗii, jagge yiilirde nduttii ko he geɗe kawranooɗe yoo mbaɗe, min tawi ko ɓuri heewde he ko hawranoo yoo waɗe waɗaaka, haa teeŋti he piye ngooroondi kawranooɗe kala ngenndi he Afrik yoo waɗ 5 000 000 F Seefaa, min nduttii he dottugol ɗeen piye ngooroondi no ngasnitee, min kawri kala ngenndi puɗɗinoondi yoo gaynito, kala ndi fuɗɗaaki yoo waɗ piye mum, enen wonɓe he duunde Orope ɓe pawi he men piye goɗɗe, ɗeen ngoni : 5 000 Eroo catal Almaañ, ngam hooreejo Tabital Pulaaku Winndere yillinooma ɓe, kadi nelaaɗo maɓɓe ina tawtoraa batu nguu, kadi 5 000 Eroo wonande catal Itali, ngam hooreejo Tabital Pulaaku Winndere yillinooma ɓe, o wii : catal Itali ina tami terɗe keewɗe baawɗe waɗde ɗee piye, kadi tergal catal Itali yeddaani. 3 000 Eroo wonande catal ngenndi Faransi, hooreejo catal ngenndi Faransi jaɓii ndeen fawannde. 3 000 Eroo wonande catal ngenndi Beljik, hooreejo catal ngenndi Beljik jaɓii ndeen fawannde. Ngam enen fof eɗen nganndi so kaales alaa, eɓɓooje men ko meere, ɓayri alaa ko waawtee siineede gaa kaales, ɗee ɗoo piye fofof kappanaa ko 31/12/2011, ndeke eɗen poti daraade haa ɗe ndañee, ɗe neldee ko adii oo happu.
Caggal ɗuum min kuccani heblanaade batu kuuɓtidinngu TPW, ngu ngannduɗaa ko he maggu jagge yiilirde TPW mbayletee, min kawri yoo ngu waɗe ñande 28/01/2012, to Bamako laamorgo ngenndi Mali. Caggal ɗuum min ndaari eɓɓooje TPW, min kawri jooɗorde TPW, wonnde he Bamako yoo fuɗɗore, hooreejo TPW, wii : o okkiino 20 OOO dolaar, ko fuɗɗoree he mahgol ndee jooɗorde, oo kaales oo ina jooɗii fodi tan ko Tabital, he ndii mbaadi terɗe koolaaɗe ciinugol golle Tabital Pulaaku Winndere, pawaa yoo mbaɗ eɓɓoore mahgol dunkiire (teeren) TPW, no wa'ata, ɓe njaɓii, ɓe kappanaa ko ñande 31/12/2011. Caggal ɗuum goomu halfinaangu jaŋde TPW, yamiraa yoo immin he golle goodtidingol ngaddinaaji Fulɓe, golle maɓɓe kappanaa ko he maayirɗe ndee hitaande nde ngonɗen ndee, nguu goomu ardinaangu ko : Fari Silaata Kah Senegaal e Timoore Culentaa Mali e Iisaa Jallo Burkina e Tijjaani Mbaalo Faransi. Caggal nguu goomu min kawri yoo goomu mawɓe tamɓe humpito sose, ko nguun yottinta pelle winndere daraniiɗe ɗemɗe e pine, goodal TPW. Hooreejo TPW, maa daro haa TPW, yaaja he nokkuuji ɗi Fulɓe ngoni he mum he ndeer ndee winndere, kadi maa o daro haa ɓiɗɓe Fulɓe pamoondira nganndoondira, kadi maa caaktire nanallaaji (kabaruuji) ngimmane ko ɓuri yaawde, mbele pine Fulɓe e ngonka maɓɓe ina anndee he aduna hee piiw (fofof). Musidɓe tedduɓe, ɗee golle, ko golle suudu baaba ina mbaɗɗii kala ɓiɗɗo pullo he yeru mbaawka mum e kaɗtanɗe mum, ngam TPW, eewnii ko ngootaangu leñol men pawiingu : ndennden kawren toownen pulaagu, yoo Geno wallu en he kawral e pamoondiral. Sakiraaɓe tedduɓe, minen on njetta kala ko humpi on he nguu batu, laɓndee min, min laɓita on, on njaaraama.
Tijjaani Mbaalo
Caggal ɗuum min kuccani heblanaade batu kuuɓtidinngu TPW, ngu ngannduɗaa ko he maggu jagge yiilirde TPW mbayletee, min kawri yoo ngu waɗe ñande 28/01/2012, to Bamako laamorgo ngenndi Mali. Caggal ɗuum min ndaari eɓɓooje TPW, min kawri jooɗorde TPW, wonnde he Bamako yoo fuɗɗore, hooreejo TPW, wii : o okkiino 20 OOO dolaar, ko fuɗɗoree he mahgol ndee jooɗorde, oo kaales oo ina jooɗii fodi tan ko Tabital, he ndii mbaadi terɗe koolaaɗe ciinugol golle Tabital Pulaaku Winndere, pawaa yoo mbaɗ eɓɓoore mahgol dunkiire (teeren) TPW, no wa'ata, ɓe njaɓii, ɓe kappanaa ko ñande 31/12/2011. Caggal ɗuum goomu halfinaangu jaŋde TPW, yamiraa yoo immin he golle goodtidingol ngaddinaaji Fulɓe, golle maɓɓe kappanaa ko he maayirɗe ndee hitaande nde ngonɗen ndee, nguu goomu ardinaangu ko : Fari Silaata Kah Senegaal e Timoore Culentaa Mali e Iisaa Jallo Burkina e Tijjaani Mbaalo Faransi. Caggal nguu goomu min kawri yoo goomu mawɓe tamɓe humpito sose, ko nguun yottinta pelle winndere daraniiɗe ɗemɗe e pine, goodal TPW. Hooreejo TPW, maa daro haa TPW, yaaja he nokkuuji ɗi Fulɓe ngoni he mum he ndeer ndee winndere, kadi maa o daro haa ɓiɗɓe Fulɓe pamoondira nganndoondira, kadi maa caaktire nanallaaji (kabaruuji) ngimmane ko ɓuri yaawde, mbele pine Fulɓe e ngonka maɓɓe ina anndee he aduna hee piiw (fofof). Musidɓe tedduɓe, ɗee golle, ko golle suudu baaba ina mbaɗɗii kala ɓiɗɗo pullo he yeru mbaawka mum e kaɗtanɗe mum, ngam TPW, eewnii ko ngootaangu leñol men pawiingu : ndennden kawren toownen pulaagu, yoo Geno wallu en he kawral e pamoondiral. Sakiraaɓe tedduɓe, minen on njetta kala ko humpi on he nguu batu, laɓndee min, min laɓita on, on njaaraama.
Tijjaani Mbaalo
Actualités
