Banndiraaɓe musidɓe tedduɓe, caggal calminaali am tedduɗi e koofnaali am fayde e ɓiɓɓe fulɓe kala,e kala ɗo ɓe mbaawi wonde. Mboɗo wiya on njuulee mo wuuri, oɗon njarloo oɗon njaafoo, oɗon ɗaccana min hakke.
Enen fulɓe eɗen poti artirde hakkillaaji men, ngannden hol darnde nde pot-ɗen daraade enen fulɓe e nder aduna he.
E nder aduna he, haa teeŋti e nder leyɗeele ɓamtiiɗe ɗe, kala ɗo pottitte mawɗe mbaɗi heen, pot-ɗen daraade ko e hollirde caɗeele nguur-ɗen e nder leyɗeele men, haa teeŋti e fulɓe Moritani.
Pullo Moritaninaajo ina foti mawnin'de juulde jeytaare Moritani, ina haani sanne, kono ko mawnin'gol e dow SUNAARE MAWNDE, sabu ñalnde 28/11/1990, laamu mbonngu, ƴiiƴiiwu keblunoongu momtude fulɓe haa laaɓa e nder leydi Moritani, fellitani oon jamma 27/11/1990 ina jofi 28/11/1990 layyaade sagataɓe fulɓe 28, yaakoranooɓe, yowitanooɓe, ɓe ɗamawu e gille tedduɗi pawanoo e mumen, ngam weltoraade mawnin'gol oon ñalawma, potnooɗo hormeede, teddineede, siŋkeede, yooɗnireede gille e koɗdigal moƴƴal; kono wonaa siŋkireede ƴiiƴam sagataaɓe leydi tedduɓe, ɓe mbiyaani mbaɗaani, tinaani mahtaani, Yo Alla yurmoɓe yaafooɓe, suddaɓe leppi teddungal, aamiin!
Fulɓe ina poti ƴeewtaade ngonka mumen hannde e nder leyɗeele mumen, sabu so en ƴeewtiima koye men, koɗki men e taartiindi men, ma en taw, nguurndam men ina faayni, sabu alaa fof ko ngood-ɗen e nder jeyiiji men ganni; hay ndimaagu en ngalaa saka haalde ko heddii ko. Ko goonga bojji ɗii keewi, hay dara alaa ko waylanii en, ndeke en tawii woytaare hay dara nafataa ndeke ɗum ittataa ɓitteende saka rokka ndimaagu. Rokkata ndimaagu e wellitaare tan ko daraade e gollaade, kadi addanta neɗɗo anndeede tan gollaade ndeke hare men hannde tan ko darnde e golle kadi ndeen darnde e ɗeen golle mbaɗata ko e nokkuuji men ganni. Ƴellitaare men waawi ummoraade tan ko e ɗiin nokkuuji.
Annduɓe leñol ngol, Alɗuɓe maggol e kala Hatanteeɓe maggol, yo ndentin doole mumen, peeje mumen e ngaluuji mumen ngam yuɓɓin'de pottitte mawɗe, lelnooji laabi jaltinooji leñol ngol e ɗee caɗeele kamƴuɗe ngol, teppi ngol e kala ɓamtaare.
Ko yanti heen, kala pullo, ganndal ngal o jogii, ngalu ngu o jogii, mbaawka ka o jogii yo o waɗ ɗum e kisal e ɓamtaare fulɓe.
On njaaraama.
Yaafuya ɗaɓɓaama.
Enen fulɓe eɗen poti artirde hakkillaaji men, ngannden hol darnde nde pot-ɗen daraade enen fulɓe e nder aduna he.
E nder aduna he, haa teeŋti e nder leyɗeele ɓamtiiɗe ɗe, kala ɗo pottitte mawɗe mbaɗi heen, pot-ɗen daraade ko e hollirde caɗeele nguur-ɗen e nder leyɗeele men, haa teeŋti e fulɓe Moritani.
Pullo Moritaninaajo ina foti mawnin'de juulde jeytaare Moritani, ina haani sanne, kono ko mawnin'gol e dow SUNAARE MAWNDE, sabu ñalnde 28/11/1990, laamu mbonngu, ƴiiƴiiwu keblunoongu momtude fulɓe haa laaɓa e nder leydi Moritani, fellitani oon jamma 27/11/1990 ina jofi 28/11/1990 layyaade sagataɓe fulɓe 28, yaakoranooɓe, yowitanooɓe, ɓe ɗamawu e gille tedduɗi pawanoo e mumen, ngam weltoraade mawnin'gol oon ñalawma, potnooɗo hormeede, teddineede, siŋkeede, yooɗnireede gille e koɗdigal moƴƴal; kono wonaa siŋkireede ƴiiƴam sagataaɓe leydi tedduɓe, ɓe mbiyaani mbaɗaani, tinaani mahtaani, Yo Alla yurmoɓe yaafooɓe, suddaɓe leppi teddungal, aamiin!
Fulɓe ina poti ƴeewtaade ngonka mumen hannde e nder leyɗeele mumen, sabu so en ƴeewtiima koye men, koɗki men e taartiindi men, ma en taw, nguurndam men ina faayni, sabu alaa fof ko ngood-ɗen e nder jeyiiji men ganni; hay ndimaagu en ngalaa saka haalde ko heddii ko. Ko goonga bojji ɗii keewi, hay dara alaa ko waylanii en, ndeke en tawii woytaare hay dara nafataa ndeke ɗum ittataa ɓitteende saka rokka ndimaagu. Rokkata ndimaagu e wellitaare tan ko daraade e gollaade, kadi addanta neɗɗo anndeede tan gollaade ndeke hare men hannde tan ko darnde e golle kadi ndeen darnde e ɗeen golle mbaɗata ko e nokkuuji men ganni. Ƴellitaare men waawi ummoraade tan ko e ɗiin nokkuuji.
Annduɓe leñol ngol, Alɗuɓe maggol e kala Hatanteeɓe maggol, yo ndentin doole mumen, peeje mumen e ngaluuji mumen ngam yuɓɓin'de pottitte mawɗe, lelnooji laabi jaltinooji leñol ngol e ɗee caɗeele kamƴuɗe ngol, teppi ngol e kala ɓamtaare.
Ko yanti heen, kala pullo, ganndal ngal o jogii, ngalu ngu o jogii, mbaawka ka o jogii yo o waɗ ɗum e kisal e ɓamtaare fulɓe.
On njaaraama.
Yaafuya ɗaɓɓaama.
Actualités
