" Alaa ko jokkondiri hay batte ɗaccitgol Umaar Saharawii, ñalnde Aaɓnde 23 Juko 2010, e laana ndiwoowa ka Espaañ rokki Moritani kaa.”
Ɗuum ko konngol jaagorgal toppitiingal kisal leydi Moritani, Hamdi Wul Hamdi, nder jaaynde laamuyankoore ñalnde njaslaari ɓennunde nde. O holliti ko wonde ɗaɓitgol laana kaa (type C212), fuɗɗiima gila e hitaande 2007, caggal nanondiral ñalnde 01 Yarkoma ( Oktoobar) hakkunde Madiriid e Nuwaasoot.
Ko ngaal nanondiral addi haa Espaañ walli Moritani e ka ndiwoowa ngam haɓtoraade uujgol nder suuɗo-suuɗoondu ( immigration clandestine), tawo njaru makka ko maanditorgel tan, teemedere kopporeeje Oroo, kono hay ndiga jotondiraani ɗum e hafeere Umaar Siidi Ahmed Wul Hamma nde, (lollirɗo Umaar Saharawii). E konngol makko haa jooni, Laana ka ardata ko e kippu mum, e haralleeɓe jogorɓe heblude Moritaninaaɓe toppitoytooɓe golle makka, so tawii ka jeyetee ko e kaɓtorɗe cunnorteeɗe, sabu eɗen nganndi, e no o wiyiri, Uujooɓe heewɓe ummortooɓe Afiriik Hirnaange ina ndewra e leydi ndii feewde tufɗe Arsiipel kanari ( to Espaañ).
Ko waawi heen wonde fof cifti-nen, ko waktuuji seeɗa tan caggal nde Umaar Saharawii (tuumaaɗo ko e koyhoyi hawjinooɓe ɓee jeyaa) waɗtaa e juuɗe Mali, tan AQMI (catal fedde islaamiyankoore alqaayidaa e nder Maghreb), kañum neh wuppiti espaañnaaɓe ɗiɗo, Rok Paskaal e Albeer Filalta (Vilalta). Hono no sit “RFI” wiyiri, Kanko Umaar oo, nde o nawatee ndee juuɗe makko tonngaaka (menotaaka), yettaade-mo Bamako (laamorgo Mali) e woppiteede mo e ullii e sooynde woni gootum; ɓooytaani-ɗuum kadi, tuubakooɓe wonnooɓe e juuɗe AQMI ɓee ngoppitaa; e tee ina tuumaa ko kanko Umaar oo, ardinoo peŋgal dahnooɓe espaañnaaɓe ɓee. Ko ɗuum noon jibini sikkeeji keewɗi, addi miijooji biyɗi won mukñaa seeɗa woni heen, sabu eɗum yooɗdi e “ oordono-mi, mi oordono maa”, hono no yaltiri e jaaynde mawnde alserinaare “El Akhbar”, e goɗɗe keeriiɗe ngenndiije.
Holi ko woni heen ko haalaaka? Hol nanondiral ciifangal hakkunde leyɗe ɗee tati? Holi ko saabii AQMI e hoyre mum ina yaltina konngol ñalnde 23 Juko: “ Min njaɓanaama huunde e hujjaaji ɗi min ɗaɓɓitnoo, addani min woppitde ɓe…”?
En mbiyataa eɗum waɗi mukñaa, kono eɗen nganndi kam laana ka njaru teemedere oroo fat, ko njarka.
Dooro Gey, Pulaagu.com/ Nuwaadibu
Source: http://www.pulaagu.com
Ɗuum ko konngol jaagorgal toppitiingal kisal leydi Moritani, Hamdi Wul Hamdi, nder jaaynde laamuyankoore ñalnde njaslaari ɓennunde nde. O holliti ko wonde ɗaɓitgol laana kaa (type C212), fuɗɗiima gila e hitaande 2007, caggal nanondiral ñalnde 01 Yarkoma ( Oktoobar) hakkunde Madiriid e Nuwaasoot.
Ko ngaal nanondiral addi haa Espaañ walli Moritani e ka ndiwoowa ngam haɓtoraade uujgol nder suuɗo-suuɗoondu ( immigration clandestine), tawo njaru makka ko maanditorgel tan, teemedere kopporeeje Oroo, kono hay ndiga jotondiraani ɗum e hafeere Umaar Siidi Ahmed Wul Hamma nde, (lollirɗo Umaar Saharawii). E konngol makko haa jooni, Laana ka ardata ko e kippu mum, e haralleeɓe jogorɓe heblude Moritaninaaɓe toppitoytooɓe golle makka, so tawii ka jeyetee ko e kaɓtorɗe cunnorteeɗe, sabu eɗen nganndi, e no o wiyiri, Uujooɓe heewɓe ummortooɓe Afiriik Hirnaange ina ndewra e leydi ndii feewde tufɗe Arsiipel kanari ( to Espaañ).
Ko waawi heen wonde fof cifti-nen, ko waktuuji seeɗa tan caggal nde Umaar Saharawii (tuumaaɗo ko e koyhoyi hawjinooɓe ɓee jeyaa) waɗtaa e juuɗe Mali, tan AQMI (catal fedde islaamiyankoore alqaayidaa e nder Maghreb), kañum neh wuppiti espaañnaaɓe ɗiɗo, Rok Paskaal e Albeer Filalta (Vilalta). Hono no sit “RFI” wiyiri, Kanko Umaar oo, nde o nawatee ndee juuɗe makko tonngaaka (menotaaka), yettaade-mo Bamako (laamorgo Mali) e woppiteede mo e ullii e sooynde woni gootum; ɓooytaani-ɗuum kadi, tuubakooɓe wonnooɓe e juuɗe AQMI ɓee ngoppitaa; e tee ina tuumaa ko kanko Umaar oo, ardinoo peŋgal dahnooɓe espaañnaaɓe ɓee. Ko ɗuum noon jibini sikkeeji keewɗi, addi miijooji biyɗi won mukñaa seeɗa woni heen, sabu eɗum yooɗdi e “ oordono-mi, mi oordono maa”, hono no yaltiri e jaaynde mawnde alserinaare “El Akhbar”, e goɗɗe keeriiɗe ngenndiije.
Holi ko woni heen ko haalaaka? Hol nanondiral ciifangal hakkunde leyɗe ɗee tati? Holi ko saabii AQMI e hoyre mum ina yaltina konngol ñalnde 23 Juko: “ Min njaɓanaama huunde e hujjaaji ɗi min ɗaɓɓitnoo, addani min woppitde ɓe…”?
En mbiyataa eɗum waɗi mukñaa, kono eɗen nganndi kam laana ka njaru teemedere oroo fat, ko njarka.
Dooro Gey, Pulaagu.com/ Nuwaadibu
Source: http://www.pulaagu.com
Actualités
