Mawɗo ko leloo, yiya, suka daroo, roŋka sooynaade!
Ngol konngol woowaama naneede he ɗemngal Pulaar, kono heewɓe ndewindaaki ko soomii he maggol.
Leydi Senegaal ko ndenndaandi diineeji e laabi waliyaaɓe. Ko noon ndi jogorii leƴƴi ceertuɗi e galleeji ɗi dente keeriiɗe. Leydi mbayndi noon, ena haani jogaade fartaŋŋe gollondiral ɓesngu mum mbele ɓamtaare mayri aaɓnoroo no haaniri.
Njiɗɗen haalde ko nguurndam e njuɓɓudi galleeji diine ɗi Geno waɗani leydi ndii tawi kala ɓurɓe heewde he mayri, mo woni kala won ceerno mo o yowitii to senngo laawol wirdu walla ko luutii ɗuum.
Neɗɗo kala ana jogii ndimaagu gollondirde e ceerno mo ɓernde mum hoolii, kono kadi aɗen nganndi ɗeen dente ena mawnini ɗemngal Aarabere e ɗemɗe mum en ngenndi. Miɗo sikki aɗen njahdi e miijo won'de ɗemngal wonah sara he kala renndo.
Nguurndam ko sippiro, gooto kala e miijo ngo o ardini. Laafa ena moƴƴi he hoyre, so ka waɗtii noon ɓuucaade ngaande; kaan weddinii. Faaɓru ena yiɗi ndiyam, pasɗam noon won ko bonnata. Ko uranoo fowru, ndu maayi, haanaani uraneede yombayɓe. Pottaaɗo he laawol so ɗeɗɗii, tawoyde mo sahre ena faayni. Gese so ɗuggitoriima rewde he colli; kiwal majji aannat.
Mawɗo dee haanaani aman'de mehre.
Diine ko huunde nde gooto kala foti waɗtude yila mum he kala tuma e kala nokku, ngannden ko dewal Geno woni yumma kala huunde he nguurndam etee baɗtande tagaaɗo tan ko ruttaade to joom mum. Diine noon ena foti rewindeede no haaniri, kono mo woni kala ana haani reentaade hoto saaynude leñol mum, ɗemngal mum e daartol mum he nder dental baawangal won'de fof tawa ko he majjere walla majjineede.
Leydi Senegaal wuuri hannde ko he hakkunde dawrugol e renndo ceernaagu, wuurni ɗeen dente ko remooɓe, awooɓe, aynaaɓe, julaŋkooɓe e feccoram-gollaaɓe eknh. Kono kala leñol ena haani naŋtaade he ko mum haa tiiɗa, ngol reentoo taƴrude ɗaɗi maggol e rufrude ƴiiƴam maggol yiɗde heeriinde foti ko to nguurndam keeriɗam walla nii diine e laawol keeringol.
Miɗo sikki ko heewi he leñol Fulɓe, wuurɓe he leydi Senegaal ana nganndi ko ɓuri heewde he wiyateeɓe hannde ko joom en galleeji diine ko Fulɓe walla nii mbiyen ko Fuutaŋkooɓe. Heewɓe ana keddii he leñol ngol, kono kadi heewɓe naattoyii he leƴƴi hoɗdiiɓe haa mbaasi ɗemngal leñol ngol e pinal mum. Aɗen mbaawi rokkude yeru he Ceerno Baay Ñas, Alhajji Maalik Sih e Aamadu Bammba BAH mo Tuubaa.
Ko huunde he ɗiin ɓesnguuji njantondiroyi e leƴƴi godɗi haa won heen ngonti haɓdiiɓe leñol Fulɓe to senngo ɗemngal e pinal. Hitaande men hikka ndee 2013, dental galle men ceerno Tuubaa fellitii waɗde njillu he gure Fuuta ngam hesɗitin'de enɗam e ɓanngin'de ñalngu diine Tuubaa (Maggal).
Aɗen mbaawi weltoraade e faarnoraade yiyde en hannde ko foti no ɓesngu ceerno Tuubaa so fellitii ruttaade he jatti maama mum, ko faayiida leñol men. Heewɓe he men ngoniino he laawol ngabbaagu ɓeen fernooɓe, jooni kam en njiyii yahnooɓe ɓee no puɗɗii waɗde.
Caggal ndee jubbannde he fergo mawɓe men e no henndu nduu fuɗɗorii wayloraade nii, ana haani kala joom hakkille miijtoo mbele nduu henndu ari tan ko sammude jaaɓe. Mbele ɓee arɓe njooɓii tan ko jokkude enɗam he falnde maama en walla won ko soomii he ngaal garal? Mbele nguu njillu jogiri addan'de Fulɓe ko jogaade geɗal to Tuubaa tawa kala ko memi ɓe ana muusee ɗum kala almuudo murid walla ko muritaagu woni he aafeede he nder Fuuta, ɗemngal wolof e pinal mum jogoo ɗoon jipporde heeriinde?
Kori wonah ko ɗemngal wolof fuɗɗinoo ñaamde he Pulaar koo araa jokkiteede? Aɗen nganndi ko woni teddungal Fuutaŋkooɓe, kori ngaal teddungal jogoraani saabaade dokkirgol galleeji, jamaaji, jeeyirɗe e janngirɗe he leyɗeele ɗe njaatiraaɓe men lewnoo, nduggi, mbiidnii.
Teddin'de koɗo, jaɓɓaade enɗam mum e juulɗo hono mum ana moƴƴi, kono kala ko neɗɗo ana golla, yoo o miijto heen ko adii. Geno dee anndodotaako, kono miin Katante Leñol, miɗo jogii kulol mawngol hoto ngal jiytondiral wonan'de leñol ngol boomaare to senngo ɗemngal e pinal Fulɓe. Kala ngenndiyaŋke ana haani won'de gaynaako he ngal jol-jolal garngal he men hannde.
Miijtiyaŋkooɓe tedduɓe, on ñaagaama nde mo woni he men kala addata heen mbaawka mum e kala senngo ngo o yahri. On njaaraama.
Pari ñalnde Mawnde 13/12/2013
Kuɗol Katante Leñol KAN
Ngol konngol woowaama naneede he ɗemngal Pulaar, kono heewɓe ndewindaaki ko soomii he maggol.
Leydi Senegaal ko ndenndaandi diineeji e laabi waliyaaɓe. Ko noon ndi jogorii leƴƴi ceertuɗi e galleeji ɗi dente keeriiɗe. Leydi mbayndi noon, ena haani jogaade fartaŋŋe gollondiral ɓesngu mum mbele ɓamtaare mayri aaɓnoroo no haaniri.
Njiɗɗen haalde ko nguurndam e njuɓɓudi galleeji diine ɗi Geno waɗani leydi ndii tawi kala ɓurɓe heewde he mayri, mo woni kala won ceerno mo o yowitii to senngo laawol wirdu walla ko luutii ɗuum.
Neɗɗo kala ana jogii ndimaagu gollondirde e ceerno mo ɓernde mum hoolii, kono kadi aɗen nganndi ɗeen dente ena mawnini ɗemngal Aarabere e ɗemɗe mum en ngenndi. Miɗo sikki aɗen njahdi e miijo won'de ɗemngal wonah sara he kala renndo.
Nguurndam ko sippiro, gooto kala e miijo ngo o ardini. Laafa ena moƴƴi he hoyre, so ka waɗtii noon ɓuucaade ngaande; kaan weddinii. Faaɓru ena yiɗi ndiyam, pasɗam noon won ko bonnata. Ko uranoo fowru, ndu maayi, haanaani uraneede yombayɓe. Pottaaɗo he laawol so ɗeɗɗii, tawoyde mo sahre ena faayni. Gese so ɗuggitoriima rewde he colli; kiwal majji aannat.
Mawɗo dee haanaani aman'de mehre.
Diine ko huunde nde gooto kala foti waɗtude yila mum he kala tuma e kala nokku, ngannden ko dewal Geno woni yumma kala huunde he nguurndam etee baɗtande tagaaɗo tan ko ruttaade to joom mum. Diine noon ena foti rewindeede no haaniri, kono mo woni kala ana haani reentaade hoto saaynude leñol mum, ɗemngal mum e daartol mum he nder dental baawangal won'de fof tawa ko he majjere walla majjineede.
Leydi Senegaal wuuri hannde ko he hakkunde dawrugol e renndo ceernaagu, wuurni ɗeen dente ko remooɓe, awooɓe, aynaaɓe, julaŋkooɓe e feccoram-gollaaɓe eknh. Kono kala leñol ena haani naŋtaade he ko mum haa tiiɗa, ngol reentoo taƴrude ɗaɗi maggol e rufrude ƴiiƴam maggol yiɗde heeriinde foti ko to nguurndam keeriɗam walla nii diine e laawol keeringol.
Miɗo sikki ko heewi he leñol Fulɓe, wuurɓe he leydi Senegaal ana nganndi ko ɓuri heewde he wiyateeɓe hannde ko joom en galleeji diine ko Fulɓe walla nii mbiyen ko Fuutaŋkooɓe. Heewɓe ana keddii he leñol ngol, kono kadi heewɓe naattoyii he leƴƴi hoɗdiiɓe haa mbaasi ɗemngal leñol ngol e pinal mum. Aɗen mbaawi rokkude yeru he Ceerno Baay Ñas, Alhajji Maalik Sih e Aamadu Bammba BAH mo Tuubaa.
Ko huunde he ɗiin ɓesnguuji njantondiroyi e leƴƴi godɗi haa won heen ngonti haɓdiiɓe leñol Fulɓe to senngo ɗemngal e pinal. Hitaande men hikka ndee 2013, dental galle men ceerno Tuubaa fellitii waɗde njillu he gure Fuuta ngam hesɗitin'de enɗam e ɓanngin'de ñalngu diine Tuubaa (Maggal).
Aɗen mbaawi weltoraade e faarnoraade yiyde en hannde ko foti no ɓesngu ceerno Tuubaa so fellitii ruttaade he jatti maama mum, ko faayiida leñol men. Heewɓe he men ngoniino he laawol ngabbaagu ɓeen fernooɓe, jooni kam en njiyii yahnooɓe ɓee no puɗɗii waɗde.
Caggal ndee jubbannde he fergo mawɓe men e no henndu nduu fuɗɗorii wayloraade nii, ana haani kala joom hakkille miijtoo mbele nduu henndu ari tan ko sammude jaaɓe. Mbele ɓee arɓe njooɓii tan ko jokkude enɗam he falnde maama en walla won ko soomii he ngaal garal? Mbele nguu njillu jogiri addan'de Fulɓe ko jogaade geɗal to Tuubaa tawa kala ko memi ɓe ana muusee ɗum kala almuudo murid walla ko muritaagu woni he aafeede he nder Fuuta, ɗemngal wolof e pinal mum jogoo ɗoon jipporde heeriinde?
Kori wonah ko ɗemngal wolof fuɗɗinoo ñaamde he Pulaar koo araa jokkiteede? Aɗen nganndi ko woni teddungal Fuutaŋkooɓe, kori ngaal teddungal jogoraani saabaade dokkirgol galleeji, jamaaji, jeeyirɗe e janngirɗe he leyɗeele ɗe njaatiraaɓe men lewnoo, nduggi, mbiidnii.
Teddin'de koɗo, jaɓɓaade enɗam mum e juulɗo hono mum ana moƴƴi, kono kala ko neɗɗo ana golla, yoo o miijto heen ko adii. Geno dee anndodotaako, kono miin Katante Leñol, miɗo jogii kulol mawngol hoto ngal jiytondiral wonan'de leñol ngol boomaare to senngo ɗemngal e pinal Fulɓe. Kala ngenndiyaŋke ana haani won'de gaynaako he ngal jol-jolal garngal he men hannde.
Miijtiyaŋkooɓe tedduɓe, on ñaagaama nde mo woni he men kala addata heen mbaawka mum e kala senngo ngo o yahri. On njaaraama.
Pari ñalnde Mawnde 13/12/2013
Kuɗol Katante Leñol KAN
Actualités
