Tuggi hitaande 2009 heewɓe he leñol Fulɓe pellitii jaggude balɗe ɗiɗi he kala lawru DUUJAL (05) waɗde heen juulde ngam toranaade leñol Fulɓe ɗee geɗe tati garooje:
DAƊAL – DAÑAL – PAN’DIN’GOL
Woni : Daɗde he kala kasaara, dañde kala moƴƴere e fan’din’de ko dañaa ko he jam. Ndee juulde 2016, teddiniraa ko Ceerno Sileymaani Raasin BAAL. Mbaydi golle ɗee ko nii lelortoo he weleede Geno moƴƴo oo : Ñalnde Mawnde ndee ko jaafnondiral, juurondiral e toranaade leñol Fulɓe moƴƴere. Ñalnde Hoyre biir ndee ko weltoraade kollirgol Pulaagu to senngo pinal e kala ko leñol ngol anndiraa ( ko wayi no yuɓɓin’de ñalɗi pinal, ñaragal Pulaagu e ñeeñal mum).
Kala fedde, wuro, falnde walla teelɗo ana ñaagaa nde waɗata yila mum he ɗii ñalɗi, o waɗa heen kala ko o waawi mbele o naftoroo kadi ɗum nafa ɓesngu Fulɓe fof. Kala mo Geno wuurni haa Julaa juulaa, yoo o salligo, o juula darɗe 2, o huccita fuɗnaange, o tororoo ko arata ɗoo koo. Omo waawi suɓaade heen kala ko o welaa, walla so omo haɗtani, o waɗa fof ko adii peergol fajiri Hoyre biir. Neɗɗo ana waawi tororaade kala ko ɓernde mum labii, enen en tonngu ɗum ɗoo tan ngam newnude e wallitde .
Yaa Jaami’u laabi 2454 ( ياجامع )
Yaa Jaami’u laabi 1026 ( ياجامع )
Yaa Jaami’u laabi 798 ( ياجامع )
Yaa Jaami’u laabi 342 ( ياجامع )
Yaa Jaami’u laabi 57 ( ياجامع )
Yaa Jaami’u laabi 12 ( ياجامع )
Yaa Jaami’u laabi 3 ( ياجامع
So a gaynii, njanngaa : Rabbanaa Innaka jaami’un naasi liyawmin laa rayba fiihi innallaaha laa yukhliful mii’aada. laabi 3 ( الْمِيعَادَ يُخْلِفُ لَا اللَّهَ إِنَّ فِيهِ رَيْبَ لَا لِيَوْمٍ النَّاسِ جَامِعُ إِنَّكَ رَبَّنَا )
njuulaa he Annibo, torano-ɗaa Fulɓe fof jam. Jamma Hoyre biir kaalirɗe ɗee mbaɗ heen yeewtere Nguurndam Ceerno Sileymaani Raasin BAAL Njamndi 22 ɓiri weeyo Pari. Kala jiɗɗo humpitaade heen ko ɓurata yaajde, yoo o jokkondir e hoyreejo Haalirde Aanyam hono Katante Leñol KAN. Cinndel 00337 – 62 70 08 80 noddaango, IMO walla Watsap. On mbismaama he keewal. Yoo Geno tawnu en mo wuuri. On njaaraama.
Kuɗol Ibraahiima Umar KAN – Katante Leñol
Actualités
