Banndiraaɓe tedduɓe huuñƴuɓe hoonotooɓe naftortooɓe pedle darniiɗe ɓamtaare leñol men, ɓe teppii en he kawral semmbe ngotaagu leñol men,
ko ɗuum waɗi hannde enen poti faamde homboo ngardinten, ngam yooɗaani hannde gardiiɗo fedde daraniinde ɓamtaare leñol, nde wonta caroowo toɗoowo maa jattintooɗo he gardagol walla basortooɗo golle ɗe ngodaani maa daarti mahiiɗi he merere walla seedanfaaguuji toowɗi ɗi ngittaani majjere, ɓayri enen nganndi hannde woni yiɗde men ko ngotaagu pawiingu he enɗam pulaagu tuggude he fuɗnaange Afrik haa yottii he hirnaange Afrik, ko ɗuum waɗi en potaani jaɓde keeri ceekaaɗi he hakkunde gori ŋatduɓe enndu wooturu he duunde men Afrik, alaa ko haali cori leñol men.
Sakuriiɓe tedduɓe, ngaree ndaɗɗen fiɓnde ngotaagu leñol men he kawral e paamoondiral, haa naftoren semmbe keewal men he duunde men Afrik, kono ɗoon ɗo enen ƴela (pecca) ko’e men, keewal men, en naftortaako ɗum, ko ɗuum waɗi gardiiɗo ina foti wonde neɗɗo ɗowoowo feewde he kawral, mbele ko ardii koo ina waawa wonde he njuɓɓudi ngootiri ɗowoori leñol men feewde he ɓamtaare.
Sagataaɓe tedduɓe, ɓayri en nji’ii yonta men laɓndii ko kawral e paamondiral e balloondiral e genɗoondiral e jinngiindirande, holko waɗi en ngittataa pecce lohnuɗe en he Afrik, seede mum he limgol cori ngenndi Senegaal, ko ɗee pecce kaɗi en wonde leñol gadanol he keeweendi ɓiɗɓe Senegaal, kadi ko waasde en jinngiindirande, haɗi en laamaade he yoga he ngenndiiji Afrik, kono wonaa en ngalaa annduɓe dawriyankooɓe « politicien » haɗtanɓe laamaade, wonaa en ngalaa alɗuɓe jogiiɓe ngalu ngu ina ronka en lamminde, kadi en nganndii ko waasde en kawral e pamoondiral e balloondiral e genɗoondiral e jinngiindirande, haɗi en heɓde haalirde njiitam he duunde men Afrik, kono wonaa en ngalanaa ɗum kaɗtanɗe, ko ɗuum waɗnoo mbiimi en potaani wonde tanngeteeɓe he kaalire, alaa potɗen wonde ko tanngooɓe, ngam pinal ɓiɗɓe leñol men ina sarii saakii he duunde men Afrik, alaa ko haali nanallaaji jolooji renndo men.
TIjjaani Mbaalo.
Jokkore : 00221 77 096 12 09 walla 70 806 56 05. Skype : tabital2
ko ɗuum waɗi hannde enen poti faamde homboo ngardinten, ngam yooɗaani hannde gardiiɗo fedde daraniinde ɓamtaare leñol, nde wonta caroowo toɗoowo maa jattintooɗo he gardagol walla basortooɗo golle ɗe ngodaani maa daarti mahiiɗi he merere walla seedanfaaguuji toowɗi ɗi ngittaani majjere, ɓayri enen nganndi hannde woni yiɗde men ko ngotaagu pawiingu he enɗam pulaagu tuggude he fuɗnaange Afrik haa yottii he hirnaange Afrik, ko ɗuum waɗi en potaani jaɓde keeri ceekaaɗi he hakkunde gori ŋatduɓe enndu wooturu he duunde men Afrik, alaa ko haali cori leñol men.
Sakuriiɓe tedduɓe, ngaree ndaɗɗen fiɓnde ngotaagu leñol men he kawral e paamoondiral, haa naftoren semmbe keewal men he duunde men Afrik, kono ɗoon ɗo enen ƴela (pecca) ko’e men, keewal men, en naftortaako ɗum, ko ɗuum waɗi gardiiɗo ina foti wonde neɗɗo ɗowoowo feewde he kawral, mbele ko ardii koo ina waawa wonde he njuɓɓudi ngootiri ɗowoori leñol men feewde he ɓamtaare.
Sagataaɓe tedduɓe, ɓayri en nji’ii yonta men laɓndii ko kawral e paamondiral e balloondiral e genɗoondiral e jinngiindirande, holko waɗi en ngittataa pecce lohnuɗe en he Afrik, seede mum he limgol cori ngenndi Senegaal, ko ɗee pecce kaɗi en wonde leñol gadanol he keeweendi ɓiɗɓe Senegaal, kadi ko waasde en jinngiindirande, haɗi en laamaade he yoga he ngenndiiji Afrik, kono wonaa en ngalaa annduɓe dawriyankooɓe « politicien » haɗtanɓe laamaade, wonaa en ngalaa alɗuɓe jogiiɓe ngalu ngu ina ronka en lamminde, kadi en nganndii ko waasde en kawral e pamoondiral e balloondiral e genɗoondiral e jinngiindirande, haɗi en heɓde haalirde njiitam he duunde men Afrik, kono wonaa en ngalanaa ɗum kaɗtanɗe, ko ɗuum waɗnoo mbiimi en potaani wonde tanngeteeɓe he kaalire, alaa potɗen wonde ko tanngooɓe, ngam pinal ɓiɗɓe leñol men ina sarii saakii he duunde men Afrik, alaa ko haali nanallaaji jolooji renndo men.
TIjjaani Mbaalo.
Jokkore : 00221 77 096 12 09 walla 70 806 56 05. Skype : tabital2
Actualités
