Duuɓi sappo e goo(11ans),caggal maayde makko,(boolumbal.org),ina siftora Al Hajji Tijjaani Ann(Yimre)

Tijjaani Aan !
Wallaahi Seydi Aan.
Hono no mbiirannoɗaa,
Kala nde kaalɗa.
Wiyooɓe mbiimi,wiimi e wiimaami,
Inana ngoya ndeƴƴaani,
Sibu kaa jahɗo mo artaani.
Golle maa moƴƴe a gaynaani,
Anniya maa min majjaani,
Ko lomtaadema woni ko weeɓaani.

Sibu Tijjaaani!
Hay gooto majjaani,
Dowlinaanoma jawdi maa,
Ndaaranooka e maa mbaadi maa
Sibu a woniino dariiɗo,dadiiɗo,
Yidde finndinnde e tinndinnde.
Aan a wittii kala e taarikaaji
Hay di mbinndaaka e kaayitaaji.
Mone ɗaano alaano so yontiino belɗe e jewte maa,
Fulɓe fof ina keptina daande maa,
Ala heen majjudo innde maa,
Sibu a woniino faawru pinal renndo maa.

Tijjaani aan!
Wallaahi seydi aan.
Fudnaange,hirnaange,rewo e worgo,pulaagu kala yi'i yolnde maa,
Haa naane inana siimtee deƴƴaaka golle maa.
Yoo geno yurmee,o yaafo maa,mbele juude moƴƴe njaɓɓoo maa,
Barke maa,keddoo e renndo maa,
duwaaw ɓooya faade e maa.

Yo bajjo,semmbin doole,jokka balɗe kala nanndo maa,
moƴƴina battane kala e dente renndo maa.
Aamiin yaa rabbal aalamiina!!!

Saar Abdulaay
dowlirɗo
Demmba Saar.