Gooto fof noon hina jogii no yiirata, won wiyooɓe Baaba Maal jamfiima leñol ngol sabu jokkondiral mum e cehilaagal hakkunde mum e Ajiij, miɗa hormii yiyannde maɓɓe, kono kadi miin e sikke am cehilaagal makko e Ajiij addantaambo jamfaade leñol makko, sabu heɗen njananaa o ɓurii ɗoon no feewi! Woto njejjiten kadi ko o Ambassadeer UN jooni e nder Afrik, wadde hombo foti nawdude naalaŋkaagal e dawrugol seeɗa. Ɗum hina waawi nafde ɓaleeɓe Muritani hay sinno ko seeɗa. So tawii ko ko faati e kaalis mbo oon rokkimbo o, naŋngiren ɗum teddungal tan, sabu ko oon o teddaniri hirde makko nde, hina gasa kadi so o waɗaano noon; o waawataano jaɓaneede waɗde hiirde nde nder leydi Muritani, walla hay sinno o waɗii ne waasa waade no o yiɗiri nih. Ɗum fof e waade noon Baaba Maal ko mbo men, so en njiyii o waɗii ko cikkuɗen feewaani jooɗodoɗen e makko njeewtiden e makko haa ngannden ko jey sabaabu mum. Baaba Maal ko jaalal kerngal e nder jaale tammbiiɗe pinal leñol men hannde, so o wonaani ɓurngal herde ngal.
Source: Abdullaay Soh via facebook
Source: Abdullaay Soh via facebook
Actualités
