11 KORSE : CIFTOREE MURTUDO E DUWAWUUJI MON



11 KORSE : CIFTOREE MURTUDO E DUWAWUUJI MON
Mi woyii hooram
Sinno wonaano won maayɓe maayaani
Ma mi woyanno dono Sammba Saydu Umar Bookar
Mammadu Berel Saqayra
Gorko mo Cilbe e Mbaañ Sammba
Dono Paate Kundo Hammadi e Ɓooy Kunduno
Wooturu waaliino saayne
Hannde fof en ina guur faayre

Amerik e 11 satambara
Madrid e 11 Mbooy
Renndo mbiimi woyii 11 korse

Mammadu Sammba Joob Murtuɗo
Mi woyaanima ngoy mi ko hooram
Mi woyaani ma ngoyan mi ko renndo am

Ɓe mbiyi Murtuɗo sankiima

Yoo jaambaraagal woy haa yeeso ɓuuta
Yoo kaaraysiraagal hiiwto haa daande loora
Yoo ganndal wou sabu finde baaye
So yarlitaare ina jogii gonɗi
Hay so ko teppere ɗi keedi
Ina foti ɗum siimtinde
Sabu waasii jaggal e jagge

Ɓe mbiya Murtuɗo sankiima

Majjere jali foɓɓi kelle
Weltii haa waɗtii leewo
Sabu gaño mum wirnoyaama
Ñande Murtuɗo natti woodde
Renndo ina wuuri e sunaare
Humambinnaagu e heewde yimɓe
Tallii ngam amde naale
Sabu gaño mum wirnoyaama

Ñande njiim mi e ndee yanaande
Nde hay dara seerndaani e goɗɗe
Paam mi mbaawka ko geɗal ALLAH

Source: Hamet Ly

Lundi 11 Juin 2018
Boolumbal Boolumbal
Lu 139 fois

Nouveau commentaire :
Facebook Twitter

Vous pouvez vous exprimer sur tous les articles publiés ici, mais veuillez vous abstenir d'insulter ou de vous attaquer à des personnes.

Merci de votre compréhension.
La rédaction


Recherche


Inscription à la newsletter