Ñalnde 06/02/2014 ko ñalngu njaggaangu ngam haɓaade kaddungal. Yimɓe heewɓe ndokkii heen jiyɗe mum en, kono won ko haawi mi he nguun ñalngu! Mi heɗiima Debbo pullo ana yettee Jallo he ayaawo to leydi Senegaal he yeewtere wiyateende TAKKUSAAN omo haala ko hulɓinii he noppi am.
Oon wonah cukalel kadi ko o sarɗiyaŋke (dipitee) to suudu sarɗiiji leydi Senegaal. Yeewtere ndee waɗaa ko he ɗemngal Jolfe. Rennduɓe yeewtere ɓee ana keewi, kono ko kaŋko tan soowti heen innde leñol makko Fulɓe, o haali heen ko metti kadi hersinii he hunuko ɓiyi dimo.
So en tuugniima he jojjannde aadee walla wellitaare nde yonta kaa huwtortoo hannde; mo woni kala ana waawi haalde e daranaade ko goongɗini, kono he innde leñol Fulɓe, kala jooforiiɗo ngol fenaande e bonnude innde maggol, min kaaldat e mum, min totta ɗum kala
Ko haandi.
Holi ko oo debbo Pullo haali?
O wiyii: Leñol Fulɓe ko naŋtingol he kaddungal ngam teskaade ko aada mum en donaaɗo. Ɓe cikkata ko ɗuum tan woni laaɓal e waawde won’de debbo galle he renndo mum ngoo.
Rewɓe Fulɓe ko ŋakkiraaɓe ndewaagu mum en he nder dewle, ko ɗuum saabii kala gorko pullo mo jeewo mum woni pullo, ko he ŋakkuɗo o wuurdi. Mbele noon o annda ko woni dewgal e dakamme mum to senngo ngena; ko alaa he sago o yiyloyoo debbo jolfo mo haddaaki o waɗa ɗum lemmbel! Mbele kaa haala wonah ƴattaade leñol firi ?
So en ndewindiima haala kaa, maa en paam heen, o seediima majjere leñol Fulɓe ngam wiyde mo ɓe mbaawah faamde ko woni goonga he miijo makko. O hollitii neegre rewɓe Fulɓe e puuyndam worɓe leñol ngol. O hollitii heen ndeke debbo pullo yonaani cuddiiɗo. O hollitii ko maa gorko pullo resa jolfo nde o annde ko weli he dewgal.
So tawii ko jalfo resi mo, yo o yahdi heen, o waasa haalde ko sellaani. So tawii ko gorko pullo resi mo, oon holliti mo o yonaani ɗum joom suudu, yo o ƴeewto hoyre makko, o waasa seedaade he leñol ko woodaani.
Neɗɗo noon ana waawi haalde miijo mum, tawa o yennaani, o ƴattaaki hay neɗɗo gooto, saka noon leñol kuurngol. Mbele so pullo haarii he sara jolfuɓe ko maa o ƴattoo leñol makko nde o timma? Mbele ɓesngu leñol ngol fotaani jaabaade oo mo teddinaani leñol mum, ngu totta mo kala ko o haan’di.
Mi naataani he haala kaddungal mbele ko ko foti waɗeede walla woppeede, kono miɗo anndi kam fawde ko boni he neɗɗo, alaa ko haali noon leñol kuurngol ko huunde harmunde, so ɗum wonii kadi ko sellaani, wona bakkaat laabi ɗiɗi. Renndo pulaagu e seedtatooɓe goonga, njaaboɗee oo pullo mo miijo mum wili walla jawdi e laamu hoomtiri seedaade ko laaɓaani.
So woodii jiɗɗo heɗaade haala e yiyde ayaawo makko, yo o natto ko woni les koo, o naatna ɗum he GOOGLE; maa o taw toon yeewtere ndee he ɗemngal jolfe.
<iframe data-ratio="0.5625" width="668" height="390" src="http://video.carrapide.com/media/embed/dSDal5r_yX/quottakusaanquot-du-jeudi-06-feacutevrier-2014-avec-fatou-sakho---thegraveme-lutte-contre-l039excision---rts1" frameborder="0" allowfullscreen></iframe>
On njaaraama
Oon wonah cukalel kadi ko o sarɗiyaŋke (dipitee) to suudu sarɗiiji leydi Senegaal. Yeewtere ndee waɗaa ko he ɗemngal Jolfe. Rennduɓe yeewtere ɓee ana keewi, kono ko kaŋko tan soowti heen innde leñol makko Fulɓe, o haali heen ko metti kadi hersinii he hunuko ɓiyi dimo.
So en tuugniima he jojjannde aadee walla wellitaare nde yonta kaa huwtortoo hannde; mo woni kala ana waawi haalde e daranaade ko goongɗini, kono he innde leñol Fulɓe, kala jooforiiɗo ngol fenaande e bonnude innde maggol, min kaaldat e mum, min totta ɗum kala
Ko haandi.
Holi ko oo debbo Pullo haali?
O wiyii: Leñol Fulɓe ko naŋtingol he kaddungal ngam teskaade ko aada mum en donaaɗo. Ɓe cikkata ko ɗuum tan woni laaɓal e waawde won’de debbo galle he renndo mum ngoo.
Rewɓe Fulɓe ko ŋakkiraaɓe ndewaagu mum en he nder dewle, ko ɗuum saabii kala gorko pullo mo jeewo mum woni pullo, ko he ŋakkuɗo o wuurdi. Mbele noon o annda ko woni dewgal e dakamme mum to senngo ngena; ko alaa he sago o yiyloyoo debbo jolfo mo haddaaki o waɗa ɗum lemmbel! Mbele kaa haala wonah ƴattaade leñol firi ?
So en ndewindiima haala kaa, maa en paam heen, o seediima majjere leñol Fulɓe ngam wiyde mo ɓe mbaawah faamde ko woni goonga he miijo makko. O hollitii neegre rewɓe Fulɓe e puuyndam worɓe leñol ngol. O hollitii heen ndeke debbo pullo yonaani cuddiiɗo. O hollitii ko maa gorko pullo resa jolfo nde o annde ko weli he dewgal.
So tawii ko jalfo resi mo, yo o yahdi heen, o waasa haalde ko sellaani. So tawii ko gorko pullo resi mo, oon holliti mo o yonaani ɗum joom suudu, yo o ƴeewto hoyre makko, o waasa seedaade he leñol ko woodaani.
Neɗɗo noon ana waawi haalde miijo mum, tawa o yennaani, o ƴattaaki hay neɗɗo gooto, saka noon leñol kuurngol. Mbele so pullo haarii he sara jolfuɓe ko maa o ƴattoo leñol makko nde o timma? Mbele ɓesngu leñol ngol fotaani jaabaade oo mo teddinaani leñol mum, ngu totta mo kala ko o haan’di.
Mi naataani he haala kaddungal mbele ko ko foti waɗeede walla woppeede, kono miɗo anndi kam fawde ko boni he neɗɗo, alaa ko haali noon leñol kuurngol ko huunde harmunde, so ɗum wonii kadi ko sellaani, wona bakkaat laabi ɗiɗi. Renndo pulaagu e seedtatooɓe goonga, njaaboɗee oo pullo mo miijo mum wili walla jawdi e laamu hoomtiri seedaade ko laaɓaani.
So woodii jiɗɗo heɗaade haala e yiyde ayaawo makko, yo o natto ko woni les koo, o naatna ɗum he GOOGLE; maa o taw toon yeewtere ndee he ɗemngal jolfe.
<iframe data-ratio="0.5625" width="668" height="390" src="http://video.carrapide.com/media/embed/dSDal5r_yX/quottakusaanquot-du-jeudi-06-feacutevrier-2014-avec-fatou-sakho---thegraveme-lutte-contre-l039excision---rts1" frameborder="0" allowfullscreen></iframe>
On njaaraama
Actualités
