Sikke alaa e won’de laamuyel kuywel pawingel e dow cemte e penaale jooɗingel to Moritani gila sosaa hannde yahaani e peewal.Aduna ina wayloo,ganndal ina ɓedoo,keeri e damuuji hakkunde leƴƴi e lyɗeele ena ooloo,ena momtoo;ardiiɓe laamu Moritani ena ɓeydoo ŋottilaade e miijooji e hakkillantaagal ñolngal,ñawngal pawingal e leƴñam leƴñaagu,heedi heeda e edda-ɓalnduyankaagu.
Ndeen majjere heɓiino rommet e gardogol Taayaa;mo Allah taaynata hannde e janngo kala,tuggude hitaande 1984 haa 1992:warde yimɓe,taƴtin’de,sokde,ɓiɗtude,hoynude e hulɓin’de.
Ɗee bone hakkille aadee dimo waawaa ɗum jaɓde.Ko ɗuum waɗi,haa Moritani feewta,dartoo e dow peewal e nuunɗal alaa e sago Maawuyaa e wallidiiɓe mum kala ndewnee e laawol.
Ko maa nuunɗal waɗee nde yaafuya miijee;nde tawnoo yaafaade addataa yejjitde.
Ɗee bone ko aduna oo fof waɗaa ɗum:rewɓe mbonnaama,mawɓe koynaama,sukaaɓe ngoynaama e dow teyɗe e belaaɗe.
A waawaa ummaade Yaman ngaraa Moritani,pele ma cuwaa hay momtaade mbiyaa aɗa yedda ɓiɗɓe leydi;bisminooɓe ma ndokku ma wutte e pinal.Kadi ɓaleeɓe ngonaa jawdi,ngonaa arani en e Moritani.Nguurndam maɓɓe e pittaali maɓɓe jaasaani nguurndam capaato e aduna he!
Ko yiɗde hollude winndere nde hono ɗee bone baɗooje Moritani gila 1960 haa hannde addani ɗanniyankooɓe ngenndiyankooɓe yiɗde rentude ;siftorde e mawnin’de ɓee jaambareeɓe,tooñaaɓe,janfaaɓe wardaaɓe warngo buubi e Moritani ngam renndude e winndere nde ɗee mette mbele fewjunooɓe ɗum ɓee,walllunooɓe ɗum ɓee e waɗnooɓe ɗum ɓee kala ena ndewnee e goonga woto ko waynii waɗtoyde.
28/11 wontii ñalama sunaare ɓaleeɓe Moritani ngam sitorde ɓee worɓe wardanooɓe ɗeɗɗere e hono oon ñalawma 1990.Tawi waɗnooɓe ɗum ɓee mbaɗirnoo ɗum ko layyaade ɓaleeɓe ngam weltoraade jeytaare nde njeyaani.Sabu De Gaul wiyiino Moktaar gadinooɗo laamaade Moritani,gadduɗo ɗee bone fof,’mbeɗe tottu ma jeytaare kono ɓaleeɓe njeyi’.Ɓaleeɓe jeyɓe leydi,moolnooɓe muraabituun en,rimɗinnooɓe frayse e juuɗe añɓe ñumen.
Alaa e sago waylaare waɗa to Moritani,potal e nuunɗal jaalloo,jaŋde e nehdi e laamu pawoo e goonga.So ronkii ɗuum leydi ndi fayi ko e ceekol etee ena anndaa hay so aduna oo fof heedtinii safalɓe wodeeɓe,so ɗuum arii ko kamɓe njolɓitotoo e ngool peñol.Ɗuum noon alaa e sago ɓe ngoppa miijooji hanki maɓɓe majjuɗo(jaahiliyya)ɓe ƴeewa ko daɗndataɓe hannde e janngo.
Ko ɓe njanngintu ɓesngu maɓɓe hannde kook o ko moññoyta janngo maɓɓe e Moritani ngati aarabaagal tan waawaa ñiiɓde e Moritani.Tee keewal ɗemɗe e pine e leydi ko ngalu.Tee so a jannginaani ɓiye pinal yiɗde,ɗooftaade e hormaade woɗɓe a bonnii feere ma.
Source: Abuu Njom 11/10/2010
Ndeen majjere heɓiino rommet e gardogol Taayaa;mo Allah taaynata hannde e janngo kala,tuggude hitaande 1984 haa 1992:warde yimɓe,taƴtin’de,sokde,ɓiɗtude,hoynude e hulɓin’de.
Ɗee bone hakkille aadee dimo waawaa ɗum jaɓde.Ko ɗuum waɗi,haa Moritani feewta,dartoo e dow peewal e nuunɗal alaa e sago Maawuyaa e wallidiiɓe mum kala ndewnee e laawol.
Ko maa nuunɗal waɗee nde yaafuya miijee;nde tawnoo yaafaade addataa yejjitde.
Ɗee bone ko aduna oo fof waɗaa ɗum:rewɓe mbonnaama,mawɓe koynaama,sukaaɓe ngoynaama e dow teyɗe e belaaɗe.
A waawaa ummaade Yaman ngaraa Moritani,pele ma cuwaa hay momtaade mbiyaa aɗa yedda ɓiɗɓe leydi;bisminooɓe ma ndokku ma wutte e pinal.Kadi ɓaleeɓe ngonaa jawdi,ngonaa arani en e Moritani.Nguurndam maɓɓe e pittaali maɓɓe jaasaani nguurndam capaato e aduna he!
Ko yiɗde hollude winndere nde hono ɗee bone baɗooje Moritani gila 1960 haa hannde addani ɗanniyankooɓe ngenndiyankooɓe yiɗde rentude ;siftorde e mawnin’de ɓee jaambareeɓe,tooñaaɓe,janfaaɓe wardaaɓe warngo buubi e Moritani ngam renndude e winndere nde ɗee mette mbele fewjunooɓe ɗum ɓee,walllunooɓe ɗum ɓee e waɗnooɓe ɗum ɓee kala ena ndewnee e goonga woto ko waynii waɗtoyde.
28/11 wontii ñalama sunaare ɓaleeɓe Moritani ngam sitorde ɓee worɓe wardanooɓe ɗeɗɗere e hono oon ñalawma 1990.Tawi waɗnooɓe ɗum ɓee mbaɗirnoo ɗum ko layyaade ɓaleeɓe ngam weltoraade jeytaare nde njeyaani.Sabu De Gaul wiyiino Moktaar gadinooɗo laamaade Moritani,gadduɗo ɗee bone fof,’mbeɗe tottu ma jeytaare kono ɓaleeɓe njeyi’.Ɓaleeɓe jeyɓe leydi,moolnooɓe muraabituun en,rimɗinnooɓe frayse e juuɗe añɓe ñumen.
Alaa e sago waylaare waɗa to Moritani,potal e nuunɗal jaalloo,jaŋde e nehdi e laamu pawoo e goonga.So ronkii ɗuum leydi ndi fayi ko e ceekol etee ena anndaa hay so aduna oo fof heedtinii safalɓe wodeeɓe,so ɗuum arii ko kamɓe njolɓitotoo e ngool peñol.Ɗuum noon alaa e sago ɓe ngoppa miijooji hanki maɓɓe majjuɗo(jaahiliyya)ɓe ƴeewa ko daɗndataɓe hannde e janngo.
Ko ɓe njanngintu ɓesngu maɓɓe hannde kook o ko moññoyta janngo maɓɓe e Moritani ngati aarabaagal tan waawaa ñiiɓde e Moritani.Tee keewal ɗemɗe e pine e leydi ko ngalu.Tee so a jannginaani ɓiye pinal yiɗde,ɗooftaade e hormaade woɗɓe a bonnii feere ma.
Source: Abuu Njom 11/10/2010
Actualités
