Gila dawaa dawi meeɗaaka yiyeede ender fulɓe Muritani, jaasɗo haa yettii ɗo Muusaa NJAAY yettii ɗoo. Won wii ɓe ko o rawaandu ! Won wii ɓe ko o mbammba ! Kono tawaama kannji ɗiɗi fof ɓuri mo sabu eɗi pasnii kannji ko ɗi ngoni koo. Kanko o fasnaaki yum makko, o fasnaaka baaba makko. O fasnii tan ko ko o fasnata omo ƴakka, hakkille oo alaa ko woni heen sowona ñaamndu. Kala potɗo he kooɓe makko ɗee yiyata heen tan ko puuyndam puuyɗam ɗam fototaako. Kala keɗiiɗo haala makko kaa ina anndi o woni ko he dunndu majjere, ɗuhiiɗo he naafiqaagal e seyɗanaagal, omo yolɓitii he ngaska jaasre e jamfa, omo heɗoo ooloel ɗaminaare he dow fenaande.
Muusaa NJAAY ko toɓɓere bonnde filtunde yani he pulaagu Muritani, ko soɓe mo ndiyam laɓɓintaa. Ko o majjuɗu mo anndaa ko majjuɗo, guddiiɗo he nder niɓɓe, gite mum ina piya sootiiji ina sikka ko lewlewal. Ko ɗuum adaani mo wiyde « hakkillaaji yimɓe ɗii ina pamɗi » ko mo makko oo tan mawni. Nde waɗnoo ko o ɓii mbedda, ko o anndi koo fof alaa to ummii so wonaa he mbedda tuggi he penaale makko ɗee haa naafiqaagal makko ngal haa e maajere makko ndee. Ko ɗuum adani mo feɓɓude, omo jasjasna, o roŋki jaabaade mbele omo jogii seedamfaaguuji he ngal jaayndiyaŋkaagal ngal o haalata, ngal o alanaa hay daliilu gooto…
Ko majjere makko addani mo sikkude ɗemngal farayse e arabeere ɓuri pulaar, haa o waawa faamde neɗɗo ina waawi miijaade he pulaar hono no jaayndiyaŋke oo naamndortoo mo nii tawa wonaa huunde eggaande he ɗemɗe goɗɗe,fulaa. E wiyde hannde « pulaar alaa ɗo yettii » ina holla tolno majjere makko ellee wonaa he Muritani o woni ! Ndii ngenndi ndi Mammadu Sammba JOOP’en, ndii ngenndi ndi JIGGO Tafsiiru’en, ndii ngenndi ndi Teen Yuusuf GEY’en, ndii ngenndi ndi Saydu KAN’en, ndii ngenndi ndi Jibiriilu Hammee LIH’en ! Mbii mi ko ndii ngenndi ndi Ibraahiima SAAR’en, ko ndii ngenndi ndi Suleymaani KAN’en, ko ndii ngenndi ndi Aamadu Umar JAH’en, ko ndii ngenndi ndi Saydu Aamadu NJAAY’en… Ndii ngenndi ndi Pulaagu fuɗi, huɓɓi fooyre jaŋde Pulaar haa lewlewti he aduna hee kala !
Muusaa NJAAY wii « wellitaare alaa to woodi he nder aduna hee haa ɓuri Muritani !» Ɗum firti maataw ko o yahataa Kayhayɗi ! Alaa jara boom ko naafiqaagal makko tan yalti ɗoo kadi haa fuŋŋinii. Ngati leydi ndi ender mum ɓaleejo waawaa ɗannaade tawa tampinaaka… Binnditaagal ngal hannde hol kumpaaɗo no ɓeleeɓe mbayi hiiɗeede heen saka noon neɗɗo piytotooɗo becce wonnde ɗum jaayndiyaŋke ?
Neɗɗo kay hannde ko famɗi gacce walla ko fuuyi koo fof ina foti hersude wiyde leñamleñamaagu alaa he nder Muritani haa teeŋti nii tawii joom mum ko ɓaleejo saka nii tawii joom mum ko pullo / haalpulaar. Sabu safalɓe ɓee he koye mumen qirriima leñamaleñamaagu nguu e tooñanngeeji baɗaaɗi he ɓeleeɓe ɗii. Ngati hay Abdul Aziiz mo waɗti Geno makko oo, juulii waraaɓe ɓee to Kayhayɗi, yaafniima bonanndeeji ɗii. Ɗuum kam firti ko joom mum qirriima bonanandeeji baɗaaɗi he ɓaleeɓe ɗii. Tee hannde safalɓe heewɓe na na he ndiin mbaadi.
Muusaa NJAAY so a wii aɗa yeddana laamuuji safalɓe ko mbaɗata he nder leydi Muritani haa teeŋti 1986, 1987 e 1989, firti ko a naafiqe kaangaaɗo. Ngati ko waraa ɗoo koo, ko yaltinaa leydi ndii koo, ko itttaa he golleeji mum mumen koo, gure pirtaaɗe ngegginaa ɗee, leyɗeele e jawɗeele teettaaɗe ɗee fof no way heewde nii ; aamnotaako neɗɗo ko huywi koo fof, ko woni moccoonde koo fof wiyde ina etoo yeddude ɗum ɗoo. Ngati hay safalɓe etinooɓe yeddude ɗii bonanndeeji ɓee hannde nduttitiima heen sabu anndude ɗumen oo goonga suddotaako, yeddotaako, kadi aduna hannde oo hay dara suuɗotaako !
Hay gooto majjaani Muusaa NJAAY he laamu Maawuyaa ngonɗoɗaa kadi ko naafiŋe mum haa teeŋti he hitaande 1989 aɗa sorsorta he gure aɗa taƴtina yimɓe wallundirde he laamu makko. Baaɗo no mbaaɗaa nii ina waawi wiyde « kala hiiɗaaɓe he Muritani ko kañumen kiiɗii koye mumen ». Gila dawaa dawi neɗɗo ina hiiɗoo hoore mum, haɗa hoore mum wellitaare, saka noon leñol walla leƴƴi ?
Mbiiɗaa kadi safalɓe ɓee ɓuri janngude he ɓaleeɓe Muritani, walla nii he wiyde maa ɓaleeɓe Muritani nganndaa hay dara ko ɗuum waɗi kaandaani he hay dara. He nder toɗɗagol jaagorɗe, ardiiɓe diwanuuji, ardiiɓe pale… ɓaleeɓe ko keɓata koo ko ɗuum foti wonde ngeɗu mumen. Ɓaleeɓe Muritani he yiyande maa ngalaa geɗal e leydi hee poti tan ko yeɗeede sabu ko ɗuum kaanndi. Mbele a anndaa he saanga jeytaare leydi ndii jannguɓe ɓaleeɓe ɓurnoo to wappitii e ko ɓuri 90% kala ender jannguɓe leydi ndii kala. Huywere bonnde so a yii hannde safalɓe woɗeeɓe ɓuri ɓaleeɓe heewde he laamu nguu waɗi noon ko sabu dawrugol bonngol ngol ɓe mbaɗi ummoraade Muktaar ul Daddah faade hannde.
Muusaa NJAAY, mi anndaa feere pewjuɗaa walla pewjaneɗaa he haalde ɗii ɗoo haalulaaji ; walla ko ɗaminiɗaa haa ko ina addan maa yeeyde leñol maa e etaade ƴeewde yoolde jojjanɗe maggol. Kono tan aɗa foti faamde geɗel gootel sinno ko mbaɗataa koo ina nafatnoo hannde potnoɗaa wonnde ko « miliyaadeer », ngati gila ɓamɗaa naafiqinenaade laamu ɓooyi wonaa hannde fuɗɗii. Miɗo anndin maa tan, yo a anndu aduna oo ko ko waylii, pulaagu ne kay ko ko waylii wontaa jaɓde tooñeede won he tooñanngeeji tan ina ñawndira caɓɓitaali walla yoo Alla ñaaw ! Walla penaale ina pawee he dow mum tan ina muñira Alla ! Oon aduna ɓenni, nguun pulaagu yawtii, nattii!
He dow ɗuum noon anndu ko “tonngu daasi fof maa artir haa he koyngal joom mum!”, kadi nganndaa “ ndogu reedu lootataa gaɗa”.
Ngaynirten tan ko sakket yimre men wiyateende kuucuuci leñol, sabu yiinoode en he hitaande 1989 kuucuuci baaɗi no makko nii guurnooɗi he leñol ngol he jumde ɓiɓɓe maggol.
Ñukkintooɓe bonɓe yoo ñoorte
Mborosaaji leñol hoto nduule
Soodaaɓe cede haa njari
Yarooɓe ƴiiƴe ɓe ɓe mbari
Jumooɓe e juukde jiidaaɓe
E nafoore tumaraŋke bonɗo tooñoowo
Kono, ñalnde jaynge toɓi e leydi
Suudu huɗo wonataa moolayru
Mammadu Saydu WOON
J’aimeAfficher plus de réactionsCommenterPartager
Muusaa NJAAY ko toɓɓere bonnde filtunde yani he pulaagu Muritani, ko soɓe mo ndiyam laɓɓintaa. Ko o majjuɗu mo anndaa ko majjuɗo, guddiiɗo he nder niɓɓe, gite mum ina piya sootiiji ina sikka ko lewlewal. Ko ɗuum adaani mo wiyde « hakkillaaji yimɓe ɗii ina pamɗi » ko mo makko oo tan mawni. Nde waɗnoo ko o ɓii mbedda, ko o anndi koo fof alaa to ummii so wonaa he mbedda tuggi he penaale makko ɗee haa naafiqaagal makko ngal haa e maajere makko ndee. Ko ɗuum adani mo feɓɓude, omo jasjasna, o roŋki jaabaade mbele omo jogii seedamfaaguuji he ngal jaayndiyaŋkaagal ngal o haalata, ngal o alanaa hay daliilu gooto…
Ko majjere makko addani mo sikkude ɗemngal farayse e arabeere ɓuri pulaar, haa o waawa faamde neɗɗo ina waawi miijaade he pulaar hono no jaayndiyaŋke oo naamndortoo mo nii tawa wonaa huunde eggaande he ɗemɗe goɗɗe,fulaa. E wiyde hannde « pulaar alaa ɗo yettii » ina holla tolno majjere makko ellee wonaa he Muritani o woni ! Ndii ngenndi ndi Mammadu Sammba JOOP’en, ndii ngenndi ndi JIGGO Tafsiiru’en, ndii ngenndi ndi Teen Yuusuf GEY’en, ndii ngenndi ndi Saydu KAN’en, ndii ngenndi ndi Jibiriilu Hammee LIH’en ! Mbii mi ko ndii ngenndi ndi Ibraahiima SAAR’en, ko ndii ngenndi ndi Suleymaani KAN’en, ko ndii ngenndi ndi Aamadu Umar JAH’en, ko ndii ngenndi ndi Saydu Aamadu NJAAY’en… Ndii ngenndi ndi Pulaagu fuɗi, huɓɓi fooyre jaŋde Pulaar haa lewlewti he aduna hee kala !
Muusaa NJAAY wii « wellitaare alaa to woodi he nder aduna hee haa ɓuri Muritani !» Ɗum firti maataw ko o yahataa Kayhayɗi ! Alaa jara boom ko naafiqaagal makko tan yalti ɗoo kadi haa fuŋŋinii. Ngati leydi ndi ender mum ɓaleejo waawaa ɗannaade tawa tampinaaka… Binnditaagal ngal hannde hol kumpaaɗo no ɓeleeɓe mbayi hiiɗeede heen saka noon neɗɗo piytotooɗo becce wonnde ɗum jaayndiyaŋke ?
Neɗɗo kay hannde ko famɗi gacce walla ko fuuyi koo fof ina foti hersude wiyde leñamleñamaagu alaa he nder Muritani haa teeŋti nii tawii joom mum ko ɓaleejo saka nii tawii joom mum ko pullo / haalpulaar. Sabu safalɓe ɓee he koye mumen qirriima leñamaleñamaagu nguu e tooñanngeeji baɗaaɗi he ɓeleeɓe ɗii. Ngati hay Abdul Aziiz mo waɗti Geno makko oo, juulii waraaɓe ɓee to Kayhayɗi, yaafniima bonanndeeji ɗii. Ɗuum kam firti ko joom mum qirriima bonanandeeji baɗaaɗi he ɓaleeɓe ɗii. Tee hannde safalɓe heewɓe na na he ndiin mbaadi.
Muusaa NJAAY so a wii aɗa yeddana laamuuji safalɓe ko mbaɗata he nder leydi Muritani haa teeŋti 1986, 1987 e 1989, firti ko a naafiqe kaangaaɗo. Ngati ko waraa ɗoo koo, ko yaltinaa leydi ndii koo, ko itttaa he golleeji mum mumen koo, gure pirtaaɗe ngegginaa ɗee, leyɗeele e jawɗeele teettaaɗe ɗee fof no way heewde nii ; aamnotaako neɗɗo ko huywi koo fof, ko woni moccoonde koo fof wiyde ina etoo yeddude ɗum ɗoo. Ngati hay safalɓe etinooɓe yeddude ɗii bonanndeeji ɓee hannde nduttitiima heen sabu anndude ɗumen oo goonga suddotaako, yeddotaako, kadi aduna hannde oo hay dara suuɗotaako !
Hay gooto majjaani Muusaa NJAAY he laamu Maawuyaa ngonɗoɗaa kadi ko naafiŋe mum haa teeŋti he hitaande 1989 aɗa sorsorta he gure aɗa taƴtina yimɓe wallundirde he laamu makko. Baaɗo no mbaaɗaa nii ina waawi wiyde « kala hiiɗaaɓe he Muritani ko kañumen kiiɗii koye mumen ». Gila dawaa dawi neɗɗo ina hiiɗoo hoore mum, haɗa hoore mum wellitaare, saka noon leñol walla leƴƴi ?
Mbiiɗaa kadi safalɓe ɓee ɓuri janngude he ɓaleeɓe Muritani, walla nii he wiyde maa ɓaleeɓe Muritani nganndaa hay dara ko ɗuum waɗi kaandaani he hay dara. He nder toɗɗagol jaagorɗe, ardiiɓe diwanuuji, ardiiɓe pale… ɓaleeɓe ko keɓata koo ko ɗuum foti wonde ngeɗu mumen. Ɓaleeɓe Muritani he yiyande maa ngalaa geɗal e leydi hee poti tan ko yeɗeede sabu ko ɗuum kaanndi. Mbele a anndaa he saanga jeytaare leydi ndii jannguɓe ɓaleeɓe ɓurnoo to wappitii e ko ɓuri 90% kala ender jannguɓe leydi ndii kala. Huywere bonnde so a yii hannde safalɓe woɗeeɓe ɓuri ɓaleeɓe heewde he laamu nguu waɗi noon ko sabu dawrugol bonngol ngol ɓe mbaɗi ummoraade Muktaar ul Daddah faade hannde.
Muusaa NJAAY, mi anndaa feere pewjuɗaa walla pewjaneɗaa he haalde ɗii ɗoo haalulaaji ; walla ko ɗaminiɗaa haa ko ina addan maa yeeyde leñol maa e etaade ƴeewde yoolde jojjanɗe maggol. Kono tan aɗa foti faamde geɗel gootel sinno ko mbaɗataa koo ina nafatnoo hannde potnoɗaa wonnde ko « miliyaadeer », ngati gila ɓamɗaa naafiqinenaade laamu ɓooyi wonaa hannde fuɗɗii. Miɗo anndin maa tan, yo a anndu aduna oo ko ko waylii, pulaagu ne kay ko ko waylii wontaa jaɓde tooñeede won he tooñanngeeji tan ina ñawndira caɓɓitaali walla yoo Alla ñaaw ! Walla penaale ina pawee he dow mum tan ina muñira Alla ! Oon aduna ɓenni, nguun pulaagu yawtii, nattii!
He dow ɗuum noon anndu ko “tonngu daasi fof maa artir haa he koyngal joom mum!”, kadi nganndaa “ ndogu reedu lootataa gaɗa”.
Ngaynirten tan ko sakket yimre men wiyateende kuucuuci leñol, sabu yiinoode en he hitaande 1989 kuucuuci baaɗi no makko nii guurnooɗi he leñol ngol he jumde ɓiɓɓe maggol.
Ñukkintooɓe bonɓe yoo ñoorte
Mborosaaji leñol hoto nduule
Soodaaɓe cede haa njari
Yarooɓe ƴiiƴe ɓe ɓe mbari
Jumooɓe e juukde jiidaaɓe
E nafoore tumaraŋke bonɗo tooñoowo
Kono, ñalnde jaynge toɓi e leydi
Suudu huɗo wonataa moolayru
Mammadu Saydu WOON
J’aimeAfficher plus de réactionsCommenterPartager
Actualités
