ÑAS E WADD: “ Hakkile makko ko ko eggi…”

E oo sahaa hannde doogi leydi Senegaal to baŋngal dawrugol ko yitde Abdullaay Wadd mo lannda Pds jeyeede e jogorɓe fooɗondireende jappeere laamu Senegaal e hitaande 2012. Kono heewɓe mbii ko o ɓurtinii ko o taƴananoo ko. Jooni Mustafaa Ñas e artude e ko haalno e 2007 sabu makko wiyde: “Wadd ko ko natti anndunde hay huunde, hakkile makko ko ko eggi…”

Hono no Baccilii, Dansokoo, Landiŋ, ekn mbaɗnoo, jooni ko Mustafaa Ñas, gardiiɗo lannda Afp naatti e sokkoo-joolo e baawal Wadd jeyeede e suɓngooji 2012.


Caggal yeewtere nde o hebli, Ñas artii e Wadd. Ko kure muusɗe o werlii mo “Baaba Wadd ne waawi haalde huunde jooni-jooni, so ɓooyi o haalta goɗɗum ko luutndii ko o haalnoo ko.” Ngam teeŋtin’de ɗum, Ñas siimtii laawol maɓɓe nde ɓe njehi Hajju (Makka). E ko o wii “ngaan saanga Wadd jiiɓondiriino waktuuji e darɗe futuro. O roŋkuno anndude so tawii ko darɗe tati, walla nayi njuulatee. “Ko debbo katolik gooto wiyi mo miin dey mi annda diine mon kono mi jaŋngii e deftere won’de futuro ko darɗe tati njuulate.

E ko Ñas haali ko fotde, alay sago gardiiɗo nattuɗo anndunde hay huunde riiwte, haɓtee, tellinee e jappeere laamu. “Sariyaa, diine e aada kala ko noon mbii”

Binndol Usmaan Makka Lih, Lewlewal Group Networks, www.mbiimi.com

Lewlewal Group Networks ina yetta yillotooɓe mbiimi.com. Miijooji mon e binndanɗe ɗe ina walla min wuurtude golle e coklaandi renndo ngoo. Tiiɗnoɗen e hokkude miijooji men e dow needi, hakkilantaagal e muñal jahdungal e yiɗde ɓamtude golle men.


Source: http://mbiimi.com