Musidɓe huutortooɓe ɗemngal Pulaar oɗon nganndi Mozilla woni ko e golle yuɓɓo cinnde wiyeteengo Firefox OS ngoo. Gila nde golle ɗee puɗɗii, eɗen pawi heen gite men ngam hokkude Pulaar fartaŋŋe wonde ɗemngal Afrik gadanal naatngol e ngoon yuɓɓo. Firefox OS noon dognata ko cinnde smartfon ɗee. Woni cinnde baɗte natirgal, Enternet, GPS, e goɗe goɗɗitiiɗe. Caggal nde min njaltini cinndel Firefox OS gadanel e France, hono ZTE OPEN C, yimɓe kala ena naamnotonoo so tawii Pulaar ena e maggel. Jooni ngaal naamnal heɓii jaabawol: eey ZTE OPEN C naatnii Pulaar caggal nde min topii kuutorɗe keeriiɗe ngam ruuɗaade palpale (obstacles) ɗe ZTE waɗi heen hade maɓɓe ɓeydude heen ɗemɗe goɗɗe.
ZTE woni kompoññe sinuwaare mahoore cinnde keewɗe. Eɓe keewi tafande operatoor en cinnde, ɓeen mbaɗa heen marke mum'en. Nde ɓe njaltini ZTE OPEN C oo e Farayse, ɓe kiisii tan ko ɗemngal Farayseere e ɗemnɗe Orop goɗɗe. Kono alaa ɗmngal Pulaar etee so aɗa yiɗi ɓeydude heen ɗemngal goɗngal maa ndewaa to maɓɓe, wooda ɓaste ɗe ɓe topii ɓe aafa ɗum'en e cinndel ngel ngam ɓeydude heen ɗemngal. Ko kamɓe tan mbaawi waɗde noon sabu ɓe cokat dame potɗe huutoreede ngam waylude yuɓɓo ngoo.
E lewru Juko 2014, sahnga nde min njaltinta ZTE OPEN C oo e Farayse (jeeyirɗe Leclerc e nder Pari), min hawriino e hooreejo ZTE e Farayse ngam famminde ɗum Pulaar ena heewi haalooɓe ɗum e Orop haa ena hasii ɓe njaltina yamre Firefox OS waɗnde Pulaar e cinndel ngel. Kisa kaalnmoo-mi wonde ɓurii 200 ujunere neɗɗo kaaloowo Pulaar e nder Orob baŋge hirnaange, teeŋti e Farayse, Belsik, Itali, Holannda... Eɓe mbaawi yeeyde cinnde haa keewa so waɗaama heen Pulaar. Ko ndeen njiy-mi gite makko ena njaltina peete! O wiyi -so Alla jaɓii- ma ɓa njaltin Pulaar e kesɗitine yuɓɓo garooje ɗee. Kono haa hannde ko e eɓɓo ngoo ɓe ngoni nde wonnoo ena heewi golle haa ɓurti.
E ɗee balɗe, goomu Mozilla njooɗiingu ɗoo e Farayse nguu yaltinii kaɓirɗe topayru ngal aafde jame kese Frirefox OS e ZTE OPEN C oo tawa ko baɗɗe Pulaar. Cinndel am ZTE OPEN C ngel keɓnoo-mi sahnga jaltugol mayre ɗoo e Farayse, mi aafii heen Yamre sakkitiinde Firefox OS waɗnde Pulaar ndee. Wonaa tan ɗoon haaɗi. Ko weltaare mawnde njogii-mi e habrude wonde Tappirde Pulaar nde Firefox OS topinoo-mi gila ɗiya lebbi yaltii e cinndel ZTE OPEN C ngel. Ko huunde welnde en sanne sabu haŋkadi tappirde Pulaar ardata ko e Firefox OS gila e lasli.
Musidɓe tedduɓe, ngannden taaɓe ɓosaaɗe ɗee alaa ko ɓuri ɗum'en teeŋtande ɗemngal ngal sabu to ummaa too ena woɗɗi. Kono hannde wonaa e koyɗol wonaa sabu cinndon Pulaar nana e dame cuuɗi mon konnga!
Hol no cinndel ZTE OPEN C ngel heɓortoo? Ena weeɓi haa maayi. Ko ardii fof ngannden ɗoo e Farayse ko magaseeeji LECLERC njeeyata ɗi. Kono so on coodii, maa aafa heen ɓaste amen nde waɗta yaltinde binndi e tappirde Pulaar ndee. Kala jiɗɗo heen humpito ɓurɗo heeraade ena waawi jokkondirde e PULAAGU.COM.
Ɗoo e hitaandee aroore ndee, Mozilla ena jogori yaltinde Firefox OS e Afrik?. Eɗen ɗaminii so ndeen yontii ma gooto kala e Afrik waaw heɓde e majje tawa kadi ko e ɗemngal Pulaar.
Source: http://www.pulaagu.com
ZTE woni kompoññe sinuwaare mahoore cinnde keewɗe. Eɓe keewi tafande operatoor en cinnde, ɓeen mbaɗa heen marke mum'en. Nde ɓe njaltini ZTE OPEN C oo e Farayse, ɓe kiisii tan ko ɗemngal Farayseere e ɗemnɗe Orop goɗɗe. Kono alaa ɗmngal Pulaar etee so aɗa yiɗi ɓeydude heen ɗemngal goɗngal maa ndewaa to maɓɓe, wooda ɓaste ɗe ɓe topii ɓe aafa ɗum'en e cinndel ngel ngam ɓeydude heen ɗemngal. Ko kamɓe tan mbaawi waɗde noon sabu ɓe cokat dame potɗe huutoreede ngam waylude yuɓɓo ngoo.
E lewru Juko 2014, sahnga nde min njaltinta ZTE OPEN C oo e Farayse (jeeyirɗe Leclerc e nder Pari), min hawriino e hooreejo ZTE e Farayse ngam famminde ɗum Pulaar ena heewi haalooɓe ɗum e Orop haa ena hasii ɓe njaltina yamre Firefox OS waɗnde Pulaar e cinndel ngel. Kisa kaalnmoo-mi wonde ɓurii 200 ujunere neɗɗo kaaloowo Pulaar e nder Orob baŋge hirnaange, teeŋti e Farayse, Belsik, Itali, Holannda... Eɓe mbaawi yeeyde cinnde haa keewa so waɗaama heen Pulaar. Ko ndeen njiy-mi gite makko ena njaltina peete! O wiyi -so Alla jaɓii- ma ɓa njaltin Pulaar e kesɗitine yuɓɓo garooje ɗee. Kono haa hannde ko e eɓɓo ngoo ɓe ngoni nde wonnoo ena heewi golle haa ɓurti.
E ɗee balɗe, goomu Mozilla njooɗiingu ɗoo e Farayse nguu yaltinii kaɓirɗe topayru ngal aafde jame kese Frirefox OS e ZTE OPEN C oo tawa ko baɗɗe Pulaar. Cinndel am ZTE OPEN C ngel keɓnoo-mi sahnga jaltugol mayre ɗoo e Farayse, mi aafii heen Yamre sakkitiinde Firefox OS waɗnde Pulaar ndee. Wonaa tan ɗoon haaɗi. Ko weltaare mawnde njogii-mi e habrude wonde Tappirde Pulaar nde Firefox OS topinoo-mi gila ɗiya lebbi yaltii e cinndel ZTE OPEN C ngel. Ko huunde welnde en sanne sabu haŋkadi tappirde Pulaar ardata ko e Firefox OS gila e lasli.
Musidɓe tedduɓe, ngannden taaɓe ɓosaaɗe ɗee alaa ko ɓuri ɗum'en teeŋtande ɗemngal ngal sabu to ummaa too ena woɗɗi. Kono hannde wonaa e koyɗol wonaa sabu cinndon Pulaar nana e dame cuuɗi mon konnga!
Hol no cinndel ZTE OPEN C ngel heɓortoo? Ena weeɓi haa maayi. Ko ardii fof ngannden ɗoo e Farayse ko magaseeeji LECLERC njeeyata ɗi. Kono so on coodii, maa aafa heen ɓaste amen nde waɗta yaltinde binndi e tappirde Pulaar ndee. Kala jiɗɗo heen humpito ɓurɗo heeraade ena waawi jokkondirde e PULAAGU.COM.
Ɗoo e hitaandee aroore ndee, Mozilla ena jogori yaltinde Firefox OS e Afrik?. Eɗen ɗaminii so ndeen yontii ma gooto kala e Afrik waaw heɓde e majje tawa kadi ko e ɗemngal Pulaar.
Source: http://www.pulaagu.com
Actualités
